Fariinta Madaxweynaha Somaliland Ee 18 May Iyo Abaaraha

Fariinta Madaxweynaha Somaliland Ee 18 May Iyo Abaaraha

Bismillaahi Raxmaani Raxiim,,,

 

Asalaamu Calaykum Wa-raxmatulaahi Wa-barakaatu,

 

Mudanayaal iyo Marwooyin,

 

18 May Iyo Abaaraha Xuska Maalinta Qarannimada Somaliland, waa mid ku weyn quluubteenna, mana jirto habayaraatee cid weydeyn kartaa. Hasayeeshee, dabaaldeggii iyo damaashaadkii 18-ka May, 2017-ka, waxaannu u beddelnay in aynu doorkan dareen la wadaagno, isla markaana daryeelno dadkeena abaaruhu toysta iyo tabaalaha u geysteen.





Madaxwayne Siilaanyo/ Fariinta 18 May 2017

 

Sidaa darteed, waxaan ugu baaqayaa Shacbi-weynaha  Somaliland, meel kasta oo ay dunida dacalladeeda ka joogaan, in ay si xil-kasnimo, xamaasaad iyo xasanaad-raadis leh, uga qayb-qaataan qaadhaan uruurinta balaadhan, ee Guddida 18-ka May aan u magacaabay samaynayaan maalmaha qaran ee (18-ka May iyo 26 June) iyo maalmaha bisha barakaysan ee Ramadaan.

Barnaamijka qaadhaan uruurinta, waxa looga gol-leeyahay, si aynu dadkeena ugu caawinno mashaariic waaweyn oo ay kaga soo kabtaan abaaraha aafeeyey. Dhinaca kalena ka hortag u noqon kara abaaraha soo noq-noqda,  Waxaan leeyahay, waa in aynu istaageernaa, oo isku tashannaa, ILAAHAYNA talo saaranaa.

CEELNA UMA QODNA, CIDINA UMA MAQNA

Ugu dambayn, waxa inala gudboon ummad ahaan, in aynu midayno maskaxdeenna, muruqeenna, iyo maalkeenna, isla markaana aynu isu-naxariisanno, si Eebe inoogu naxariisto.

 

Wa Billaahi Tawfiiq… 

Madaxweynaha Jmahuuriyadda Somaliland

Mudane Axmed Maxamed Silaanyo

Leave a Reply

*