Laascaanood loo laga Xaaran-timeeyey Isu-soo Bixii KULMIYE ee Shalay

Laascaanood loo laga Xaaran-timeeyey Isu-soo Bixii KULMIYE ee Shalay

Laascaanood( SLL-Yool)-Kaltanka lixaad ee Maalinta loo asteeyey Oloollala Kulmiye, ayaa gabi-ahaanbaa aan ka dhicin Magaaladda Laascaanood ee xarunta gobolka Sool, kaddib markii dadweynaha Magaaladaasi ka shoobareeyey inuu ka dhaco, sida awgeedna Xisbiga Kulmiye ay u ahayd Maalin-madow oo kusoo korodhay taarikhda oloollihiisa Doorashada Madaxtooyadda.

Warar amuurtaa ku saabsan oo Wargeyska Yool ka helay xarunta gobolka Sool ee Laascaanood, ayaa sheegay diidmada qayaxan ee reer Laascaanood inay tahay mid ka dhalatay falkii jimihii ka dhacay fagaaraha Beerta Xoriyadda Laascaanood, kaasoo dabada ku hayey markii Ciidan ilaalo ah oo la socday wafti uu hoggaaminayey Musharraxa Kulmiye Muuse Biixi ku fureen Rasaas dadweyne gadoodsan oo ku sugnaa fagaaraha. Wararku waxay intaa raaciyeen in odayaasha  iyo waxgaradka Magaaladda Laascaanood ku war-geliyeen masuuliyiinta Xisbiga Kulmiye ee Gobol, in haba-yaraatee Xus Kulmiye leeyahay aan lagu qaban Magaaladda Laascaanood, iyadoo laga taxaderayo in isu-soo baxa Kulmiye ay ka dhashan rabshado ka ballaadhan kuwii hore.

Dhacdadan soo foodsaartay Xisbul-xaakimka Kulmiye, iyadoo lagu gudo-jiro hadda maalmihii u dambeeyey ee oloollaha Doorashadda Madaxtooyadda, ayaa tallaaabadan murugada leh ee lasoo deristay Xisbiga Kulmiye waxa uu ku waayey taageeradii uu ka filaayey Gobolka Sool, gaar ahaan degmada Laascaanood. Waxa kaloo dhacdadani noqotay tallaabo cad oo muujinaysaa inuu Xisbiga Kulmiye qaaday dhabbihii guuldarrada, maadaama uu gacantiisa ka baxay mid kamid ah gobollada la saadaalinaayo in codadkiisa lagu kala badinayo tartanka Doorashadda Madaxtooyadda.

Leave a Reply

*